Mii háliidit giitit sámi dáiddáriid Niillas Holmberg, Jenni Laiti ja Outi Pieski, go sii dorjo Veahčajoga bivdiid skeŋkemiin kampánjageavahussii searvvušdáiddalaš birasdáiddaduoji “Rájácummá”. Dat muitala sápmelaš iešmearrideami vuođus: ovttaveardásašvuođas eatnamiin, mii vuođđuduvvá goabbatbeallásašvuhtii ja gudnejahttimii. Mii háliidit maiddái giitit Sofia Jannoka doarjaga ovddas. Su juoigan čuodjá kampánjavideoid duogážis.
Gitta jahkái 2016 báikkálaš sámit ožžo bivdit Deanu oalgejogaid nu gohčoduvvon stáhtaid čáhceguovlluin lobiin mii lei geavatlaččat nuvttá. Guolástanlága rievdadusain dát dološ riekti sihkastuvvui eret. Kati, Heidi, Ánne ja Erke mearridedje gávnnahallat lobihis bivddus, vai besset iskat rievdadit dán eahpevuoiggalaš láhkarievdadusa. Ná sii bággejit Suoma riektevuogádaga gieđahallat ášši duopmostuolus ja deaivvadit sin rihkolažžan sin sápmelaš eallivuogi dihtii.
Geassit 2018 bivdiin govvejuvvui dokumeantafilbma ja Katis jerrojuvvui “Maid don jáhkát du mánát ohppet dán dáhpáhusas?” Kati vástidii “Máilbmi ja stáhtaid doaibmavuogit eai leat álo vuoiggalaččat, oahpahan ahte don fertet leat aktiivvalaččat leat mielde ráhkadeamen vuoiggalašvuođa”. Dás šattai bivdiid kampánja váldosáhka.
Giitu sámedáiddáriidda Niillas Holmbergii, Jenni Laitii, Outi Pieskii ja Sofia Jannokii din doarjagis Veahčajoga bivdiide ja sámiid riektedáistaleapmái. Mii leat ovttas huksemin vuoiggalašvuođa.
Jos don maid háliidat doarjut Veahčajoga bivdiid, diŋgo kampánjagova “Huksemin vuoiggalašvuođa” plakáhtan dahjege t-báidin dán liŋkka duohkin: https://www.samihumanrights.org/searvva-ja-doarjjo