Justa dál Alva-searvi doarju lobihis sámi guolásteaddjiid gearretrievttis 14. beaivve guovvamánu 2019. Ruđat geavahuvvojit máksit guolásteaddjiid diggegoluid. Oastte dahje searvva: https://www.samihumanrights.org/searvva-ja-doarjjo
Doarjjo ja oastte
•T-báiddi 50 e + sáddengolut
•Plakáhta 20 e + sáddengolut
•Searvva doarjja- dahje aitosaš miellahttun
T-báiddi vuođđu lea čáhppat ja dat lea kártagovva Deanu čázádagas. Plakáhta lea A4 sturrosaš govva Creating Justice / Hábmemin vuoiggalašvuođa govas.
Rájácummá
Doarjun dihte guolástanvuoigatvuođaid Alva-searvi vuovdá tiŋgomiid vuođul Creating Justice / Hábmemin vuoiggalašvuođa t-báiddiid ja plakáhtaid. Govas lea kárta Deanu čázádagas, man birastahttá davvisámegielat dikta. Govva lea oassi sápmelaš dáiddariid Niillas Holmberga, Jenni Laiti ja Outi Pieski servodatlaš birasdáiddabargu, Rájácummá – Suukkoja rajoilta. Dat muitala sápmelaš iešmearrideami vuođus: ovttaveardásašvuođas eatnamin, mii vuođđuduvvá luondduin gulahallamii ja gudnejahttimii.
Hábmemin vuoiggalašvuođa
Geassit 2018 bivdiin govvejuvvui dokumeantafilbma ja Katis, ovttas guolásteaddjiin, jerrojuvvui “Maid don jáhkát du mánát ohppet dán dáhpáhusas?” Kati vástidii “Máilbmi ja stáhtaid doaibmavuogit eai leat álo vuoiggalaččat, oahpahan ahte don fertet leat aktiivvalaččat leat mielde ráhkadeamen vuoiggalašvuođa”. Dás šattai bivdiid kampánja váldosáhka.